اراد ان يبرهن لزوجته انه زلمه فقطعها الى نصفين بضربه واحده(انتبهو بنات حواء)

كول نار

G.M.K Team

حكايه للزلم الخشنه
وبيوم من ايام الصيف الحار والزلمة هوة راجع من شغله بالسيارة وتعبان وعلى غفلة جان يشوفها بالطريق شلونها واكفة بين خواتها طبعا وحدة احلى من الاخرى بس هية احلاهن حلوة المنضر ناعمة الملمس مو طبيعي
طبعا هية لفتت نظره بكبريائها وشموخها ما كدر هذا الزمة يقاوم خجله رأسا وكف السيارة بصفها وطلع منها وكال ((والله حنينة)) واخذها ودائما يحاول يملي عينه منها وكله شوق لهفة.
وطبعاً هية كاعدة بصفه بالصدر بالسيارة وهوة كل شوية يسترق النظر بين الحين والاخر لما تتحرك.
وأنتبه عليها انها اصغر من ماتوقع وتبدو عليها اثارات الدلع
وحقيقة خاف عليها لا تنفعل وتحرجه من سائقي المركبات الاخرى.
وفجأ اذا بسيارة الشرطة طبعا هوة خاف كال انلاصت كبسة, واذا بسيارة الشرطة توقفه بالطريق للتفتيش, طبعا هوة خاف ولما وصل الشرطي بصفه وشافه الرجال مرتب وشاف البصفه الحنينة كال اكيد عوائل أعتذرو منه وكلوله توكل الله وياك محروس.
طبعا هوة فرح لأن الشرطة راحو وما سألوه , والحنينة ما خافت ولا ارتعشت أنما ضلت ترقص وتهتز بالسيارة وكأنما شيئاً لم يكن.
رأساً بعدها أقفل المذياع وطبعا النفس أمارة بالسوء راد يخلي أيده عليها بس شنو طبعا هية لوتية تبتعد عنده شوية شوية, كللها سهلة هنا تنهزمين مني أوصل للبيت وبسيطة اعرف شغلي وياج.
طبعا ما اطول السالفة اخير شي وصل البيت وجان شايل هم شلون راح ياخذها للبيت لأن تعرفون عنده زوجة واطفال وشلون اطفال فضيحه.
ركن السيارة بالكراج بهدوء حتى لحد يسمعه ويشوفه جان ابنه الجبير شاف ابو اجه طبعا هههههههههههههههه طركاعة تعرفون الطفل من يجي ابوه يروح يركض عليه ويصيح بابا بابا
أبوه اشرله من بعيد لتجي روح اشرله كله اسكت ابنه بالمقابيل اجه على ابو يركض (((ويصيح أبوووووية أجه))) عاد ابوه كله صخام صخمك شجابك
عاد ابنه لمن وصل بصفه شافهة وهية كاعدة بالصدر بصفه ابنه تخبل أبوه يكله اسكت لحد يسمعك تعرفون يخاف من فضيحة زوجته واخاف الجيران يسمعون وتصير طركاعة كشرة.
أبنه جان يكول بعلو صوته لالالالالالالالالالالالالالالالالالالالالالالالالا لا ليش بابة سويتها وجيتها شنو امي شحتكول
طبعا على اثر الصيحة زوجته اجتي وكالت يبووووووووووووووووووووووووووووو الله يكطع عمرك ليش هيج سويت البارحة سويتها وتعاركنة اليوم رجعت شنو ما توبت رأسا طلعو الجيران وألتمو حول البيت يريد يعرفون شنو السالفة
عاد الرجال انتفض من السيارة وراد يبرهن لكل العالم انه زلمة خشن وصاح بعلو صوته كللهم اني مغلطان صح البارحة غلطت بس اليوم ما اعيد غلطتي وراح اشوفكم وراح يركض وهوة متهستر للمطبخ راح جاب سكينة جبيرة حيل كال شوفو اني ما اغلط راح اذبحها وأقسمها قسمين وركضت العالم كلوله لالالا لا بالسيارة تدمرها وركض عليه وقسمها قسمين بضربة وحدة من شدة غضبه كللهم شوفوه شلون حمره أحسن من مالت البارحة الفطيرة ظلتو تحجون عليا جبتها حتى ابرهنلكم اني خوش اشتري ركي.
 
أعلى