شوقصدك ؟؟

لا تحظى وأنت طفل بزيارات حرة بسرعة، حتى إلى الأقرباء، ذلك أن زيارتك الأولى لبيت آخر ستكون على الأرجح إلى بيت عمك أو عمتك أو خالك أو خالتك....
- شو قصدك ؟!
- مو قصدنا شي طبعاً، فأنت لن تذهب إلى بيت خالتك بيت خالتك يعني، لأ..أنت ستذهب إلى بيت خالتك عن جد.
- بس أنو منهن اللي عن جد معلم ؟!..عن جد شو قصدك؟ !

- غريب أمرك.. شو بك خايف.. عم نقلك أنك رح تروح لبيت خالتك أخت أمك.. ارتحت !!
- إي .. ارتحت لأني فهمت.. ما كنت خايف أنا.. أنا بس كنت حابب أفهم قصدك
- وفهمت قصدي ؟!
- فهمته والحمد لله، إلا إذا كان قصدك بخالتي أخت أمي بهديك الخالة.
- العمى.. يا زلمة عم نقلك خالتك أخت أمك.. لو كان قصدنا هديك كنا قلنا خالتك مرة أبوك ههههههه
- بالله ؟!
- والله..شوبك يا زلمة.. بتروح لعند خالتك أخت أمك.. وين مشكلتك ؟!
- مشكلتي أنو أمي ما عندها أخت.. وحيدة على ست شباب أصغر واحد فيهم متجوز وعنده ست شباب وبنت، وأكبر واحد فيهم متجوز تنتين وعنده من كل وحدة ست صبيان وبنت، أما الوساطنة البقايا فكل واحد منهم مطلق تلات مرات وفايت بالرابعة وعنده من كل وحدة صبيين.
- العمى.. هي ما دارت لي.. يعني هي ما بتدخل بالمخ..
- وهلأ فهمت علي ؟!
- فهمت عليك.. أنا آسف ما كنت عم أستغبيك.. بس ما كنت متوقع وضعك، صدمتني.. فاجأتني.
- وهلأ شو.. راحت الصدمة وارتاحت القرقة.. يا مقروق
- إي ارتحت لأني فهمت.. بس ما كنت مقروق أنا.. أنا بس كنت حابب أفهم شو اللي مخوفك.
- قلنا لك ما كنت خايف.. بقى ليش لتنقرق ؟!
- قلنا لك ما انقرقنا بقى لشو عم تقرقنا.. العمى شو بتلت.. وين كنا ؟!
- كنا عند.. لا تحظى وأنت طفل بزيارات حرة بسرعة، حتى إلى الأقرباء، ذلك أن زيارتك الأولى لبيت آخر ستكون على الأرجح إلى بيت عمك أو عمتك أو خالك أو خالتك....
- شو قصدك ؟!!!!!!!!!!!!!!!!!!!!!!!!!!!!!!!!!!
 

كول نار

G.M.K Team
رد: شوقصدك ؟؟

واحلى تقيم
كتير تعجبني الاستكشات باف روبلند
دمت بروعه
 
رد: شوقصدك ؟؟

عن جد طرح رائع ومثير تقييم بديع كل الشكر bave roblend وتقبل مني مروري

المتواضع في روعة واعماق كلامك ......

jan-brin
 
رد: شوقصدك ؟؟

كول نار , وردة منتدانا الرائع منورة الصفحة
بتواجدك الجميل أختي ..

المبدع جان الغالي منور الصفحة أخي ..
 
أعلى