السلام عليكم وانشاء الله دائما تضلوا مبسوطين والضحكة ما بتفارقكن.
انا في كتير مواقف صارت معي واكيد مع كل انسان.وانشاء كل فترة بنحكي عن شي موقف.
اليوم راح احكيلكن شو صار معي لما كان عندي محل سمانة (ميني ماركت)
في مرة وانا قاعد بهالمحل وكان قاعد عندي صديقي الله يذكره بالخير.
المهم فاتت وحدة مرة كبيرة بالعمر شوي (بين 45 -50 سنة) ومعاها ابنها الصغير عمره 13 سنة.
وفاتت عم تقولي مرحبا دكتور انت اصلا صيدلي وما فرق بينك وبين الدكتور , (بما ان محلي كان مقابل المشفى وكان في صيدلية بنفس الشارع , مشان هيك هي تخربطت )المهم: رديت عليها اهلا وسهلا خالة, فعلا مافي فرق بيني وبين الدكتور تفضلي, فقالت لابنها تعال يول خلي هالدكتور يكشف عليك , تقدم الولد لعندي , وقلتلو شو فيك وين عم يجعك فقال لي عيوني يا دكتور ما بقى اقدر اتفرج فيهن عالتلفزيون ,تفحصت عيون الولد واخدته عالشارع وخليتو يركض ذهاب واياب الشارع كله والتمرين اللي بعده كان نط من عالرصيف حوالي 5 دقائق, واخيرا قلت لامه لا تخافي ابنك عيونه تمام بس لازم تحطي بكل وجبة اكل سمن عربي - ولازم ياكل الولد كل يوم حوالي 7 كلغ من الجزر.فقالت لي طيب اعطيني راشيتا , قلتلها مو هون الراشيتا امشي لقدام شوي في صيدلية هو راح يعطيكي الراشيتا. وقالت شو تامرنا يا دكتور , قلتلها هالمرة ببلاش بس تاني مرة راح اخد منك, وفعلا راحت لعند الصيدلي , المهم بعدما غادرت الشارع هي وابنها اجا لعندي جاري الصيدلي وهو عم يضحك وقالي شو عملت فيني , المرة فاتت لعندي وتقولي ابي (اريد) الراشيتا, فقال اي راشيتا عن شو عم تحكي , فقالتلو المرة تبي تعطيني الراشيتا ولا لا, اصلا مو لازمني الراشيتا انا رايحة اشتري دوا لابني من سوق الخضرة.
ارجو ان ما اكون تقلت عليكن ...
بالتوفيق للجميع