من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي
معرفتي فيك
معرفتي فيك إجت عا زعل
معرفتي فيك ما كانت طبيعيي من بعد ملل
حبك لإلي بلش متل الشفقة كان بدي حنان
و ما كنت سألاني و علقاني بهالحلقة محتاجي إنسان
بس اليوم ما بعرف كيف قلك يمكن هلق عم قلك
حبيبي لآخر مرة بقلك حبيبي مش أنت حبيبي
لبيروت
لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها ... وحدها و ليلُ
أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني
ما قدرت نسيت
زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول
عودك رنان
عودك رنان رنة عودك إلي
و عيدا كمان ضلك عيد يا علي
سمعني العود عالعالي عيدا كمان عيدا كمان
دق ضلك دق قلي النغمي لكي
النغمي عالحق شو أحلى ملحكي
النغمي بتفوت النغمي بتفوت عاقلبي
جامع هالناس على صوت الوتر
وترك حساس حاجي تزن عالوتر
أثرت كتير عليهن عيدا كمان و عيدا كمان
دق قوي الدق وعي كل البشر
الليل مش للنوم أصل الليل للسهر
أنتا الدقيق أنتا الزويق سمعنا
مشوار
مين قال حاكيتو و حاكاني عا درب مدرستي
كانت عم تشتي و لولا وقفت رنخت فستاني
و شو هم كنا صغار و مشوار رافقتو أنا مشوار
و قالوا شلحلي ورد عا تختي و شباكنا بعلا
و شو عرفو أيا تختي أنا و أيا تخت أختي
بيلفقوا أخبار و مشوار يا عيوني مرق مشوار
و قالوا غمرني مرتين و شد شوف الكذب لوين
مرا منيح اتنين؟ و لا ردتو إيدي و لا هو أرتد
شو بيفضحو ا أسرار و مشوار شفتو و ما رجع مشوار
كذبوا مين بيقول كذبوا مين كذبوا مين بيقول كذبوا مين
امبارح بنومي بصرت اني عازندو طرت و الأرض مفروشة كلا ياسمين
إن صح الحلم شو صار و مشوار جينا عالدني مشوار
تبقى ميل
تبقى ميل تبقى اسأل متل الأول ضل اسأل
الله لا يشغلك بال وديلي منك مرسال ... أسأل أسأل
أنا ما بدي تجي و تقول أعذريني مشغول
لفتة من بعيد بتكفيني و قلبي لك على طول
لا توديلي الزهر سلال و بالشوق تجرح موال
بس اسألني كيف الحال اسأل اسأل
سهرات القمر الحلوين هجرونا من سنين
زعلوا ناس و رضيوا ناس و نحنا المنسيين
أيام تغرب و قبال عينيي عالدرب خيال
و بلبل عاشق غط و قال اسأل اسأل
مرجوحه
بتمرجح بقلبك قلك أنا بحبك
قطف نجوم و قطف ازرعهن بدربك
قلك أنا بحبك أنا حبك
مرجوحتي تودي و شوف القمر حدي
تقلي انت لا تعلي قلك بعد بدي
شوف القمر حدي القمر حدي
يا حلو قلبك طاير فيي و أنتا طاير
شو بعمل تنرجعلو محسود منا و غاير
و قلبي هالملبك يسافر على دربك
و بخيال شي غنيي يقلك انا بحبك أنا حبك
بقطفلك بس
بقطفلك بس هالمرة هالمرة بس عا بكرا عا بكرا بس شي زهرا شي زهرا حمرا و بس
و لا بدي شي بعد الا داريك بيتي بيصير وعد لما بحاكيك
يا ويل عيوني كيف بتندهلك متل المجنونة بتصير تقلك
بحلم و بضل شهر بالي مشغول بيطلعلي قول شعر ما بعرف قول
بتذكر مرة سهرنا بخيمة و بهاك السهرة وشوشتك كلمة
بكتب أسمك يا حبيبي
بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالارصف المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش
لا تعتب عليي
لا تعتب عليي اخرني القمر
ضيعتنا هنيي و طالعلا السهر
يا خجلة عينيي لو يعرفوا فيي
لومك مش عليي لومك عالقمر
و قلتلك يا جاري احميني من الهوى
نحنا بالبراري تربينا سوى
ما تاري سوى أنت و هالهوى
اتفقتوا عليي و ما عندي خبر
حلفتني أمي ما حاكي حدا
قالتلي يا أمي اياك العدا
أنت مش حدا و لا أنت العدا
أنت البعينيي رابة من الزهر
لا أنت حبيبي
لا أنت حبيبي و لا ربينا سوى
وقصتنا الغريبي شلعها الهوى
و صرت عنك غريبي انساني يا حبيبي
امبارح تلاقينا قعدنا عاحجر
برد و حوالينا عريان السجر
خزقنا الصور و محينا القمر
ردتلو مكاتيبو و ردلي مكاتيبي
كل من طوي شراعو و راح بهالمدى
ولدين و ضاعوا عاجسر الصدى
تفرقنا بهدا و الدنيي هدا
بخاطري صليلي تسعد يا حبيبي
لشو الحكي طالل علينا قمر
خلي النظر للنظر يشرح هواه و يشتكي
لشو الحكي عند التلاقي سوى
أهل الغوى عالهوى يتفاهموا من غير حكي
بيني و بينك يا حلو شو صار في حكايات
ما في كلام يساعها منقولها لفتات
كنا نراسل بالومى و نقول شرح يطول
و لما اجتمعنا لحالنا نسينا شو بدنا نقول
يا حلو شو بخاف
يا حلو شو بخاف أني ضيعك
نمرق على الجسر العتيق
و تروح مني بهالطريق
لوين ما تقلي و لا تاخدني معك
يا حلو شو بخاف أني اسالك
كنو بعد بتحبني
قد البحر قد الدنيي
بفزع لتضجر من سؤالي و زعلك
يا حلو شو بخاف ليله عاصفة
يخطر عابالك شي نجم
و تقوم تمشي بهالعتم
و أنطر أنا عالباب أنطر خايفة
ساعة اذا مرقت و ما شفتك فيا
شوف شوف حالي زغيرة
وحدي بهوني قنطرة
و عالدنيي ينزل ضباب و يمحيا
اعملني متل خاتم دهب بأصبعك
تركني حاكيك و اسمعك
خدني على قلبك معك
دخلك بخاف اني ضيعك .. يا حلو
بعدك على بالي
طل و سألني اذا نيسان دق الباب
خبيت وجيي و طار البيت في و غاب
حبيت افتحلو عالحب اشرحلو
طليت ما لقيت غير الورد عند الباب
بعدك على بالي يا قمر الحلوين
يا زهرة بتشرين يا دهبي الغالي
بعدك على بابي يا حلو يا مغرور
يا حبق و منتور على سطح العالي
مرق الصيف بمواعيدو و الهوى لملم عناقيدو
و ما عرفنا خبر عنك يا قمر و لا حدا لوحلنا بإيدو
بتطل الليالي و بتروح الليالي و بعدك على بالي
ما في حدا
ما في حدا لا تندهي ما في حدا
عتم و طريق و طير طاير عالهدا
بابن مسكر و العشب غطى الدراج
شو قولكن صاروا صدى؟
مع مين بدك ترجعي بعتم الطريق
لا شاعلة نارن و لا عندك رفيق
يا ريت ضوينا القنديل العتيق بالقنطرة
يمكن حدا كان اهتدى و ما في حدا
يا قلب اخرتا معك تعبتني
شو بك دخلك صرت هيك و شو بني
ياريتني سجرة على مطل الدنيي
و جيرانها غير السما و غير المدى ما في حدا
يا قمر أنا وياك
يا قمر أنا وياك صحبة من زغرنا
حبينا قمرنا وعشنا أنا وياك يابا
و ياما أنا وياك لونا سمانا
و زرعنا هوانا يا قمر أنا وياك يابا
خطر الهوى عالعين و الحلو ناطرنا
ضحكوا قناطرنا بالورد عالميلين
و الحكي حكي و عالبال قصص الهوى تنقال
خطر الهوى بالدار قالولنا أوعى
بكرا الدنيي بتوعى عسرار منا سرار
قصص و قصص تنقال حلم ولفي عالبال
قالوا العدا
قالوا العدا قالوا شو خبروا و قالوا
وعدوا الصبايا و ما إجوا خلوا الحلو بحالو
عالعين لاقيتو مليت و سقيتو قلتلو تتهنى
قالي ياماشالله يلا اكبري يلا تنجيبك لعنا
في سياج عاشمالو مزهر على شمالو
جرح إيديه الحلو لما اجا يطالو
كان الهوى و كنا وكنتوا تجوا لعنا
صاروا يلمونا كل ما تزرونا يا ريت ما كبرنا
وردتنا مالوا بخصورهن مالوا
و هالقلب لولا الهوى شو كان عابالو
بحبك ما بعرف
بحبك ما بعرف هن قالولي
من يومها صار القمر أكبر عتلالنا
و صارت الزغلولي تاكل عأيدي اللوز و السكر
بحبك ما بعرف حب لا تشدني بأيدي
عنهر بدنية هنا جديدة و إنغب
لأ دخلك هيأتني رح طير مرجحتني بقلبك
تركني بعد بكير بكير تركني حبك يا حلو بحبك
يا ريت أنت و أنا بالبيت شى بيت أبعد بيت ممحي ورا حدود العتم و الريح و التلج نازل بالدنيي تجريح يضيع طريقك ما تعود تفل و تضل حدي تضل و يزهر و يدبل ألف موسم فل و تضل حدي تضل حدي تضل و ما يضل بالقنديل نقطة زيت
ع اسمك غنيت ع اسمك غنيت ع اسمك رح غني ركعت و صليت و السما تسمع مني عتلالك عجبالك ركعت و صليت قول السما قريبي تسمعنا يا حبيبي عبابي اتكيت عبابي الليالي عليي طليت من برجك العالي لسهولك البتنبت سنابل و رجال و هياكل لغاباتك المزروعة بلابل و زهور ومعاول لضياعنا الخجولة ركعت و صليت للحلى للطفولة ركعت و صليت لسيوفك البطولة و عيونك يندهولي بمجدك احتميت بترابك الجنة ع اسمك غنيت ع اسمك رح غني و احمل بإيدي كاسك المليان أرفعو لفوق لمطرح البيوقف الزمان و أسكر بأسمك مجد يا لبنان
سلملي لي
سلملي لي عليه و قلو إني بسلم عليه و بوسلي عينيه و قلو إني ببوس عينيه إنتا يللي بتفهم عليه سلملي عليه سلم قلو عيونو مش فجأة بينتسو ضحكات عيونو ثابتين ما بينقصو مدري شو بو و بعرف شو بو مطبوعة بذاكرتو ما تبحثو عم تبحثو ما تبحثو ما تبحثو ما تبحثو هيدا حبيبي اللي إسمي بيهمسو تعبان على سكوتو و دارسو واضح شو بو ما تقول شو بو أعمل نفسك مش عارف ما تحرأسو بتحرأسو ما تحرأسو ما تحرأسو ما تحرأسو سلملي لي عليه و قلو إني بسلم عليه بوسلي عينيه هو و مفتحهن عينيه و بوسو بخدو طوللي عليه فهمت علي أيه و سلم و أنا عم غني المذهب و لما بغني ردو عليه و بعدو نفسو المذهب و لولا قدرتو زيدو عليه و عودو تبقو عيدو الكوبلية سلملي عليه سلم
جاءت معذبتي جاءت معذبتي في غيهب الغسق كأنها الكوكب الذري في الأفق فقلت نورتني يا خير زائرة أما خشيت من الحراس في الطرق فجاوبتني و دمع العين يسبقها من يركب البحر لا يخشى من الغرق
ضاق خلقي
ضاق خلقي يا صبي من هالجو العصبي ضاق خلقي ضاق خلقي يا صبي الما بتفهم من نظرة و لا بحتى حكي مانعني إفعل أو إئتي أيا حركي بتحكي و بتصير ما بتسمع و إذا جاوبتك مرة بتفقع مطوقني بحبك و مسيج من حولي الدنيا و عا جنبي ضاق خلقي يا صبي شو ما بتفهم عربي ضاق خلقي ضاق خلقي يا صبي شكك ما بينفع شو بينفع يا ترى مين قلك تستسهل تكذب دايمن عا مرا و بتوعد إنو بتتغير ما الهيأة و الأمل زغير مبارج عالوصلي مفتشلي أغراضي و مفتحلي علبي ضاق خلقي يا صبي لأ مش كلو بسببي ضاق خلقي ضاق خلقي
إشتقتلك
برغم الحاصل من زمان الوقت الكافي للنسيان عزة نفسي كإنسان إشتقتلك و رغم الغلطة و ما حلا و قصتنا يللي حلا إنو ننساها كلا إشتقتلك و واضح إنك ناسيني و مش محتاج تواسيني مش بقصدك مإسيني و إشتقتلك إشتقتلك إشتقتلي بعرف مش رح بتقلي طيب أنا عم قلك إشتقتلك طيب مش قصة ما تقلي و أصلن مش هون العلي العلي ما تكون إشتقتلي إشتقتلك و بعرف إنو ما بيسوا و شي يمنعني من جوا شي تاني حسو أقوى إشتقتلك و هيدي السجرا العتيقا يللي ما كنا نطيقها حبيتا و إشتقتلا و إشتقتلك ما بعرف شو صايرلك إنتا عا بعضك كلك ما تقلي ما قلتلك إشتقتلك هلق عايش عالهلي و بكرا راح تستفقدلي تسأل مين كان يقلي إشتقتلك
و لي فؤادٌ
و لي فؤادٌ إذا طال العذابُ بهِ هامَ إشتياقاً إلى لُقِاء مُعذبهِ يفديك بالنفس صبٌ لو يكون لهُ أعزُ من نفسهِ شئٌ فداكَ بهِ ليل يا ليل يا ليل يا ليل ليل ليل يا ليل و كنتَ وعدتني يا قلبُ أني إذا ما تُبتُ عن ليلى تتوبُ فها أنا تائبٌ عن حُبِ ليلى فمالكَ كلما ذُكرت تذوبُ نبكي على الدُنيا و ما من معشرٍ جمعتهمُ الدُنيا فلم يتفرقوا و عَذلتُ أهلَ العشق حتى ذُوقتُه فعجبتُ كيف يموتُ من لا يعشقِ
لو تعلمين
لو تعلمينَ بما أُجنُ من الهوى لعذرتِ أو لظلمتِ إن لم تعذرِ لا تحسبِ أني هجرتُكِ طائعاً حدثٌ لعمروكِ رائعٌ أن تُهجرِ ما أنتِ و الوعدَ الذي تعِدينني إلا كبرقِ سحابةٍ لا تمطرِ
مش كاين هيك تكون
كان غير شكل الزيتون كان غير شكل الصابون و حتى إنتا يا حبيبي مش كاين هيك تكون كان غير شكل الليمون كان غير شكل اليانسون و كاين إنتا يا حبيبي مش كاين هيك تكون يا ضيعانن راحوا شو ما صار لكن راحوا مش سامع غنية راحوا؟ كان أوسع هالصالون كان أشرح هالبلكون و طبعاً أنتا يا حبيبي حبك كان قد الكون شو كان أهدى الكميون طالع دوغري و موزون و حتى عيونك يا حبيبي كان عندك غير عيون يا ضيعانن راحوا شو ما صار لكن راحوا مش سامع غنية راحوا؟ كان يبقى الحب جنون يخلص بحرف النون و مش كل إنساني تمرق تفرق و تصير تمون كاين رق و حنون أو مايل عالغصون و إذا هلق حبك غير ريتو عمرو ما يكون ريتو عمرو ما يكون ريتو عمرو ما يكون
قرأت مجدك
قرأت مجدك في قلبي و في الكتب شآم ما المجد أنت المجد لم يغب إذا على بردى حور تأهل بي أحسست أعلامك إختات على الشهب ايام عاصمة الدنيا هنا ربطت بعزمتي أموي عزمة الحقب نادت فهب إلى هند و أندلس كغوطة من شبا المران و القضب خلت على قدم التاريخ طابعها و علمت انه بالفتكة العجب و إنما الشعر شرطة إرتجلت على العلا و تملت رفعة القبب هذي لها النصر لاأبهى فما هزمت و إن تهددها دهر من النوب و الإنتصار لعالي الرأس منحتم حلواً كما الموت جئت الموت لم تهب شآم أرض الشهامات التي إصطبغت بعندمي نمته الشمس منسكب ذكرتك الخمس و العشرين ثورتها ذاك النفير إلى الدنيا أن اضطربي فكي الحديد يواعدك الالي جبهوا لدولة السيف سيفاً في القتال ربي و خلفوا قاسيونا للأنام غداً طوراً كسيناء ذات اللوح و الغلب شآم لفظ الشآم اهتز في خلدي كما اهتزاز غصون الأرز في الهدب انزلت حبك في آهى فشددها طربت آهاً فكنت المجد في طربي
يا ربى
يا ربى لا تتركيني ورداً و لا تبقي أقاحا مشت الشام إلى لبنان شوقاً و التياحا فأفرشي الطرق قلوباً و ثغوراً و صداحا غرة من عبد شمي مملأ الليل صباحا و حسام يعربي الحد ما مل الكفاحا يشرعان الراية الحمراء و الحق الصراحا جمع المجد على الارز سيوفاً و جراحا فتساوينا جهاداً و تآخينا سلاحا و نشرناها على الدنيا جناحاً و جناحا
شام يا ذا السيف
شام يا ذا السيف لم يغب يا كلام المجد في الكتب قبلك التاريخ في ظلمة بعدك أستولى على الشهب لي ربيع فيك خبأته ملئ دنيا قلبي التعب يوم عيناها بساط السما و الرماح السود في الهدب تلتوي خصراً فأومى إلى نغمة الناي ألا إتنحبي أنا في ظلك يا هدبها أحسب الأنجم في لعبي طابت الذكرى فمن راجع بي كما العود إلى الطرب شام أهلوك إذا هم على نوب قلبي على نوب أنا أحبابي شعري لهم مثلما سيفي و سيف أبي أنا صوتي منك يا بردى مثلما نبعك من سحبي ثلج حرمون غذانا معاً شمخاً كالعز في القبب و حد الدنيا غداّ جبل لاعب بالريح و الحقب
خذني بعينيك
طالت النوى و بكى من شوقه الوتر خذني بعينيك و أهرب أيها القمر لم يبق في اللي إلا الصوت مرتعشاً إلا العمائم إلا الضائع الزهر لي فيك يا بردى عهد أعيش به عمري و يسرقني من حبه العمر عهداّ كآخر يوم في الخريف بكى و صاحباك عليه الريح و المطر هنا الترابات من طيب و من طرب و أين في غير شام يطرب الحجر شآم أهلوك من أهوى و موعدنا أواخر الصيف آن الكرم يعتصر نعتق النغمات البيض نرشفها يوم الأماسي لا خمر و لا سهر قد غبت عنهم و مالي بالغياب يد أنا الجناح الذي يلهو به السفر يا طيب القلب يا قلبي تحملني هم الاحبة إن غابوا و إن حضروا شآم يا ابنة ماض خاضر أبداً كأنك السيف مجد القول يختصر حملت دنيا على كفيك فآلتفتت إليك دنيا و أغضى دونك القدر
بقولو زغير بلدي
بيقولوا زغير بلدي بالغضب مسور بلدي الكرامي غضب و المحبي غضب و الغضب الأحلى بلدي و بيقولوا قلال و نكون قلال بلدنا خير و جمال و بيقولو يقولوا شم هم يقولوا شوية صخر و تلال يا صخرة الفجر و قصر الندي يا بلدي يا طفل متوج عالمعركي غدي يا بلدي يا زغير و بالحق كبير و ما بيعتدي يا بلدي
تراب عينطورة
هالله الله يا تراب عينطورة يا ملفى الغيم و سطوح العيد ستي من فوق لو فيي زورا راحت عالعيد و العيد بعيد هالله الله يا دار محبوبي ناطرنا الضيف عاباب الدار صورنا فوق عالفي مكتوبي مكتوبي خبار و العمر خبار يا صيف جديد يا حب جديد و أنا ناطر يا عنب الأشقر تاتصير نبيد بيتك هالليل و الليل غنيي و سطوحك غيم و الزيني فوق يا حبيبي لا تعتب عليي جايبني صوبك طير الشوق راحت مواعيد رجعت مواعيد بدر حظورك يا حبيبي و ناطر لنعيد
يا طير
أوف أوف أوف يا طير يا طاير على طراف الدني لو فيك تحكي للحبايب شو بني روح اسألن علي وليفو مش معو و مجروح بجروح الهوى شو بينفعو موجوع ما بيقول علي بيوجعو و تعن عا بالو ليالي الولدني يا طير يا طير و اخد معك لون الشجر ما عاد في الا النطرة و الضجر بنطر بعين الشمس عبرد الحجر و ملبكى و إيد الفراق تهدني يا طير و حياة ريشاتك و إيامي سوا و حياة زهر الشوك و هبوب الهوا ان كنك لعندن رايح و جن الهوا خدني و لنو شي دقيقة و ردني يا طي
موال عتابا
عيني ما تشوف النوم يا ديب حاكمها قلق و نعاس يا ديب و غدي تصرح مع التنيان يا ديب و تفعل ما تريد و تشتهي يا بوي
طلي يا حلوة طلي
أوف طلي يا حلوة طلي يا غلة بسنة القلة جاي من الجرد الحسون يقطف و يعبي السلة كنك طامع بالزيتون غصون و عم تبكي ع غصون شو رح تقطف يا حسون و الأعدا سرقوا الغلة أوف لا بدنا كيف و لا عراس ليحكوا ليقولوا الناس مانش راح بيروق الكاس غير ما يفل العثمانلي أوف أوف بكره بيطلع عنا الفل و بترجع ليالي تهل و العثمانلي بدو يفل و تطلع براسو الفلة
يا أهل الدار
يا أهل الدار طعمونا يا أهل الدار و اسقونا بيعونا شي بيعونا يا أهل الدار يا أهل الدار طلوا طلوا الحبايب شعلانه النار و السكر قلبو دايب يا أهل الدار دارت فينا العلية و الورد زرار حنو عالورد خطية و يا بنت الجار لا تجوري كتير عليي صار اللي صار و العمر الطيب طايب حبك غلي يا دار عا قلبي غلي و عنقودك الغاوي على أمه حلي أنت ببالي بيوت حلوة مشرعه بايدين تغزل نار يوم المرجله باعت مرسال يسأل عن بنت صغيرة قال يوما قال كان ينطرها بالجيرة و يا فاضي البال ما تدوقي انشالله الغيرة ميل خيال و انخطبت إنت و غايب
تبقى بلادنا بالحمام مسيجي
و يضحك عاهالعلوات غيم بنفسجي
و لما على بنياتها يهب الهوا
يصير الهوا عا بوابن يروح و يجي
و تبقى بلادنا تضحك بهاك المدى
و إبقى أنا و الليل نمشي عالهدا
يقلي أنا رح عتم الدنيي عليك
تالعندهن توصل ما يشوفك حدا
وردة عين الصواني ماشالله شو حلياني
و لونا الزهر مبكي النهر من القهر و مش درياني
و لونا الزهر مبكي النهر و يمضى الشهر و بعد الشهر
بتتذكرني قبل الضهر و بعد الضهر بتنساني
لونا الزهر مفتح زهر و شعرا دهر مبدد دهر
و معها مهر إتنعشر مهر و أصايل سبعة تمانيي
في وردي عاسياج النوم غرقاني صحاها اللوم
عطرا فاح بأول يوم إنقطفت باليوم التاني
أوف قالي في حلوي بهالفيي كتبتلا إسما عالمي
و سما الجيري و سما الحي و لولا شويي سماني
وردة عين الرمانة
مين اللي فتح الردي؟
أنا اللي فتحت الردي
و ليش الردي عاوردي؟
بالصدفي قلنا وردي
قربت توصل وردي
أيه قربت توصل
مين؟
وردي
إنتزعت السهرة
هالحكي من قلبك؟
إيه إيه من قلبي
وردي بتوصل من هون
أنا بفردها من هون
و لوه شو هالقسا بعدك مزاعلها
عاطول مزاعلها
عالعمر مزاعلها
و مطرح ما بتكون أنا ما بكون
يا خسارة الحب
يا خجلة الأمل
تهرب الإيام تخلص بلا أمل
و تبطل وردي تكون
راية البرج و نجمة التلج غنية الحسون
هيدا كان من زمان
يا أسف الليل مضي وقت السهر
و تبقى وردي تنام عاشباك السهر
إنتا اللي كنت تقول وردة الورد
زهرة البرد عصفورة أيلول
هيدا كان من زمان
و لما عبدو طلع بوردي مين هجم عا عبدو؟
أنا؟
و لما بردت مين شلح الكنزي و لبسها لوردي؟
أنا
و مين كان بدو يرمي حالو عاسطح البلديي
كرمال الوردي الجوريي؟
أنا أنا
عا سطح البلديي لو ما يتهدوا فيي
كانت راحت عليي عاسطح البلديي
كانت بكيت شويي و نسيتني من عشيي
لو ما كبر عقلاتي عاسطح البلديي
و يا هيك القماريي المنسيي و مش منسيي
بعدك قصة مكتوبي عاسطح البلديي
تذكر
أووف
كبر العنقود
كبر العنقود و خلص العنقود
وبعدن عم يبكوا بقلبي عينيها السود
كنا نتلاقى تبقى مشتاقة
لفتة حراقة للدمع تجود
و نبقى نتخبا بليل الأحبا
مدري يا قلبا بشو موعود
أنا وياها تزاعلنا
مدري كيف تزاعلنا
ليش إتزاعلتو على شو؟
مدري كيف تزاعلنا
مش فايق ليش و على شو؟
فايق إنو تزاعلنا
بيقولو بكتب الهوى
بيقولوا بكتب الهوى اللي بيحب ما بينسى
بيقولوا بكتب الهوى عالبعد القلب بيقسى
بيقولو بالقصايد عن حال العشاقيين
شوقن بيضلو زايد بيضلوا مشتاقيين
إلا ما بيتلاقوا سوا ما بتهدى نار الهوى
هلق وردي جايي تسهر لا هي زعلاني و لاشي
إذا وردي إجت تسهر بترك السهرة و بمشي
ما بيصير تروح
رح روح
إجت وردي
سعيدي سعيدي
أهلا بوردي
سهريي سعيدي
قعدي يا وردي
ما بيسوى روح هلق كرمال الموجودين
كيف حالك يا وردي؟
مليحة
و لوه صوتا شو حنون
ليش واقف إقعد
إيه إقعد
إيه نقعد
و السهرة سهرة الحب
دار الدوري عالداير
دار الدوري عالداير يا ست الدار
و حامل هالقصة و داير داير من دار
طاير من فوق سهيلي رف حساسين
يرفرف من ميلي لميلي نأود ياسمين
طل الليل و يا ويلي شاف الحلوين
صار الليل بهاليلي يعشق و يغار
قلبي صاير مجنونك ناطر عالعين
لا تقسي عليي ظنونك مالي قلبين
يا حلوي يللي بصونك بريف العين
إن ضحكوا بهالليل عيونك بيصير نهار
وصيتلك تقطفلي أول عنقود
إسود الكرم و موصوفلي عناقيد السود
خدني و طير بشي بغملي و الدنيي برود
خليني بقلبك طفلي و خلينا زغار
يا قراشة هاك الجيري خصرك ممشوق
بقرب صوبك بتطيري و شنو للدوق
لا تلوميني عالغيري و تقولي روق
ما في عاشق يا زغيري عقلاتو كبار
كانوا زغار
كانوا زغار و عمرهن بعدو طري
و لا من عرف بهمن و لا من دري
يقلا بجيب الريح تاتلعب معك
و بكتب عيونك عالشتي تاتكبري
و كان كان ياما كان في بنت و صبي
يقلا بعمرلك قصر تاتلعبي
و طار الزمان و بعد في كومة حجار تصرخ يا إيام الزغر لا تهربي
و طليت عاحين بعد غيبة سني و لقيت الدنيي متغيرة بهاك الدنيي
متل الغريبي مرقت قدام البواب و ماحدا منهن سألني شو بني
عمرها
يابا أوف سهرنا سهرنا يا ليل الأزرق سهرنا وعاحدودك نجمي سهرنا
يابا أوف مرجحنا مرجحنا يا بيت الحلو مرجحنا و على إيام الشوق إشلحنا
يابا أوف بعينيي بعينيي يا قصص العمر المنسيي وعتبك عم يبكي بعينيي
يابا أوف عم تومي عم تومي يا بيوت بزنبق مرسومي عالعالي سطوحك عم تومي
إنتي من وين؟
أنا من بلد الشبابيك المجروحة بالحب المفتوحة عالصدفي
و إنتا من وين؟
أنا من بلد الحكايات المحكيي عالمجد و مبنيي عالآلفي
مرقوا مبارح عالعالي
مرقوا فوق الليالي
كانت إيديهن ممدودي و عيونن عم تتطلع
صوب الإيام المشهودي يمشوا و الرايي تلمع
كانت عاوجوهن مكتوبي أسامي أهلن مكتوبي
أعمارن ضحكات زغارن و الريح تروح و ترجع
كانت أصواتن مسموعة متل الشلال الهادر
و إيديهن سمرا مرفوعة تحصد قمح البيادر
صاروا الغنيي العم تزرع بالأرض العطشاني تزرع
صاروا البيدر صاروا المصدر و الشمس اللي عم تطلع
و عمرها بإيدين تعلي بسواعد بالمجد و بالقصد المارد
عمرها تضحك بيادرها
عمرها بجوانح بيضا بمحبي كامح يكبر حبي حبي
عمرها و زين قناطرها
عمرها عاأساس الحيطان الصلبي عالعتبي بتساند عتبي
عمرها نسم يا شجرها
عمرها بيوت مضويي و مقصودي على إسم النعمي مرصودي
عمرها ضوي يا قمرها
عمرها بسواعد عمرها يإيدين عمرها بمحبي و إسقيها بريف العين
يابا يابا يابا أوف .. أوف
ضوى الهوى قناديلو
ضوى الهوى قناديلو و طلع القمر و إتشوقنا
كتب السهر مواويلو ورق الشجر رح يسبقنا
الورد اللي مايل عاغيابن يا ورد العتب المايل
تركوا الرسايل على بابن تركوا ورق الرسايل
و صرنا سوا نسهر سوا و يمحي الهوى تعب الهوى
و نبعت للحلو نشكيلو يبعتلنا مراسيلو
أخدوا الدفاتر بإيديهن و إنكتبوا بالدفاتر
و الحب مسافر بعينيهن و العمر شراع مسافر
و يبقى الحكي يجر الحكي نسهر على حدود البكي
وديلو قصص وديلو عن الهوى و إحكيلو
مرقو الحصادين
مرقوا الحصادين مرقوا طيور البرد
يبسوا وراق التين و الغيم تل الجرد
و عم ينزلوا حساسين يبكوا بفيي الورد
و ناطورة الياسمين بعدا ما رجعت بعد
مين ناطر مين مين ناطر عابواب الشوق مين ناطر
ناطرها تطل و تقلي يا هالمتعوس شو ناطر
و إن كان البعد نساها بتضل تغني و ناطر
بيضل العاشق عاشق و الناطر بيضلو ناطر
نحنا بكير حبينا حبينا كتير حبينا
ضوينا شبابيك الغربي و كتبنا السهر علينا
و إن كان الهوى عذبنا و مشانا صوب المخاطر
خلي عينيها تندهلي صوب المخاطر بخاطر
طال الحكي عاباب بيتن طال
و إتنهدت و تكسر الموال
و لما عيونا بالدمع ضحكوا
ما عرفت يللي تنقال كيف نقال
و مغيرة مغيرة و مولداني مولداني
و خدودها خير السني يا من قطف يا من جني
و زغيرة زغيرة و مزيني مزيني
و عيون بتقول إسكني فيي و طيري يا دنيي
يا حلوة اللي الهوى دبل عينيكي الهوى
اللي غدي لحيكن قلبو عشق و إتكوى
لما حكيتي شعشعوا نجوم البكي و إتلوعوا
يا طيور طلوا إتسمعوا يا حور عالمي إنحني
يا حلوة اللي السهر هدهد حلاها السهر
طال الحكي عالحكي و ضوى عليكي القمر
و الناس طلوا يسألوا لما إلتوا الخصر الحلو
يا قمار عالأرض إنزلوا و يا ليل ليل عالدنيي
يمي ما بعرف كيف حاكاني و كنت حد العين حيراني تركتو بقصدي روح بدي روح مدري شو حد العين خلاني يمي ما بعرف كيف ما بعرف كيف يحكي و يحكي و صرت إسمعلو و الحكي كيف كان طايعلو صاروا الزنابق حدنا يعلوا لو ضل كان الورد خباني يمي ما بعرف كيف ما بعرف كيف و غابت الشمس و خفت و إحتديت و ما عدت عادرب لنا إستهديت ما وعيت كيف ركضت صوب البيت قلبي يدق و كنت فزعاني يمي ما بعرف كيف ما بعرف كيف مبارح بعتلي محرمي هديي سر و عطر أبيض و غنيي و متل اللي زاغوا هيك عينيي و حسيت شي بالبال بكاني يمي ما بعرف كيف ما بعرف كيف
لملمت ذكرى لقاء الأمس
لملت ذكرى لقاء الأمس بالهدب و رحت أحضرها في الخافق التعب أيدي تلوح من غيب و تغمرني بالدفء و الضوء بالأقمار بالشهب ما للعصافبر تدنو ثم تسألني أهملت شعرك راحت عقدة القصب رفوفها بريق في تلفتها تثير بي نحوها بعضا من العتب حيرى أنا يا أنا و العين شاردة أبكي و أضحك في سري بلا سبب أهواه من قال إني ما أبتسمت له دنا فعانقني شوق إلى الهرب نسيت من يده أن أسترد يدي طال السلام و طالت رفة الهدب حيرى أنا يا أنا أنهد متعبة خلف الستائر في أعياء مرتقب أهوى الهوى يا هلا إن كان زائرنا يا عطر خيم على الشباك و انسكب
أحب من الأسماء
أحبُ من الأسماءِ ما شابه أسمها و وافقهُ أو كانَ منهُ مُدانيا أَعدُ الليالي ليلةً بعد ليلةٍ و قد عشتُ دهراً لا أعدُ اللياليَ فيا ربِ سوي الحبَ بيني و بينها يكونُ كفافاً لا عليَ و لا ليَ و قد يجمعُ ... بيني بعدما يظُنانِ كلُ الظنِ أن لا تلاقيا
رح حلفك يا طير
رح حلفك بالغصن يا عصفور بالورق بالفي بالنبعات بالزيح جناحك بريشة نور بالمرجحك مع زرقة النسمات و تطير يا عصفور عاكوخ من وزال غويان سقفو زهور مفروش بالعنبر حب الندي الأخضر دنيي ظلال ظلال تقشع عريشة و باب بفيتا مزوي و حلوي بإبدا كتاب سلم على الحلوي و إن هديت رياحك بتمرمغ جناحك عالسطح عالحيطان عاتياب مدريي عالبسط عالقمصلن عاكل شي تخزق عالمقعد الأزرق على قمر السكران اللي بيذكرا فيي و إن كان ما في شي من حبنا باقي بتسكت الساقيي يا طير و بتمشي و بتغط تحملي يا من هيك التلي يا من هداك الغال شي ذكر شي قشي و من خرطشت ديها من تحت إجريها شي نقتين تراب
مصالحة - الأخوين رحباني
يا شيخ نصري صالح أنا ما بصالح و إنتا يا بوصالح و أنا ما بصالح خلصت الإيام و ما خلصت العداوي رح بيصيروا عشرين سني بدنا نعرف ليش هوي بلش هوي بلش كيف؟ كيف؟ زمان زمان بليلي صيفيي كان الحلا و كان في بنيي صبيي إسما جوريي جن عليها و تجن عليي و حبينا جوريي مش مظبوط مش مظبوط جوريي اللي هي تحركشت فيي و النتيجي شو؟ هربت خطيفي مع سعد الفران شو؟ مع سعد الفران مش مصدق بتتركني يمكن بعدا بتتذكرني الله عا إيامك يا جوريي كانت تعملي مناقيش و طلامي على التنور هالله عا خبزاتك يا جوريي الله نجاكن من جوريي ماحدا عالفاضي يكون ندمان لا تجوزتوا و لا تعترتوا و اللي علق سعد الفران و تصالحتوا و تباوستوا و رجعنا تزاعلنا ليش ليش قولوا ليش؟ صرنا نغني صار يغني و بيجيب معو بنت إختو بتقول مخمس مردود و إنتا بتجيب ولاد إختك قال اللي بيسامحنا منجي حتى نردو إنتا بتجيب بنت إختك تاتنوا تنينتكن تطلوا مازال هيك بدا تعلق أنا الليلي وحدي ما بقى رح صالح لاقيني يا صالح أوف أوف فوقوني يا خالي فوقوني يا خالي أنا سيد الماعنة و الفصاحة بهالساحة العليي و بكل ساحة و سيفي بيمسح الأعدا بحدو متل ما بتمسح الأرض المساحة أوف رماني الدهر بللي متلك رماني و فوارس راكعة تسقي حصاني إنت و بنت إختك و السليلي بدي متلكن سبعة تماني أوف يا بو صالح أنا جايي لحالي تاقول الحكي بصوت عالي خالي و إنت شغلتكن غميقة كل ما بتسهروا بتحصل قتالي إحسبكن متل فرسان الليالي أبطال المعارك و المعالي و الزير و أبو زيد الهلالي عابالي نفذ الطالع عابالي يا بوصالح أنا جايي تاصالح و بدي بوسك إنتا و خالي أهلا بحني وبالمواعيد إقعدي تانغني الفجر بعيد حني يا حني إطلبي و إتمني تزهر جني و بيخلق العيد يللا يا خالي يللا يا بوصالح تباوسوا كرمالي خلينا نصالح عاراسي و عيوني إنتي بتموني يا زهرة مسكوني بعطر جديد باب البوابي ببابين قفولي و مفاتيح جداد عالبوابي في عبدين الليل و عنتر بن شداد حلوي و شباطين و دار العاشق غط العاشق طار نغمي و نار و عوادين عوادين و نغمي و نار و نارين و نغمي و عواد يا حلوي اللي ريفك رف بتمشي و خلفك ماشي الصف دف و كف و ردادين ردادين و دف و كف و كفين و دف و رداد صحرا و قافلتين و خيل العتمي ميل النجمي ميل فحم و ليل و حدادين حدادين و فحم و ليل و ليلين و فحم و حداد موطور ما لو صفير و مسيكن يا أهل الخير شفتو طير و صيادين صيادين و شفتو طير و طيرين و شفتو صياد عبوابكن كل يوم برم بنفسجي صارلي سني و صارلك سني تتفرجي و بحيكن مدري أنا ندر بتاري بدوخ و بشوفا عم تروح و تجي يوم اللي سافرت و كنت عم ودعك و مشيت لا إقشع حدا و لا إقشعك إيدي عاصدري إسألو ما في جواب راجع معي و إلا بقي قلبي معك دقيت دقيت و إيديي تجرحوا و قنديلكن سهران ليش ما بتفتحو و مدري أنا ما عدت أعرف بابكن مدري نقل باب الكن من مطرحو غنينا رقصنا و سهرنا عاجناح الغنيي طرنا و الناطر بعدو ناطرنا علينا ميت عليي و قصدنا الصور من الميي و نجوم السهل المنسيي بعيوني حبك بعيوني يا سهول الريح المجنوني بعيوني وطني بعيوني غنينا كتير و بعدنا بالحب و بالليل شردنا و يا بلدنا العاليي يا بلدنا حبيبي ندهني إفتحولي الطريق يا وطني حبيبي يا دهبي العتيق يا بواب الشرق المرفوعة بجناح الغيم مزروعة مجد الإيام عدراجك نام على صوت الحريي بيوعى الله الله يا تراب عينطورة يا ملفى الغيم و سطوح العيد ستي من فوق لو فيي زورا راحت عالعيد و العيد بعيد الله الله يا دار محبوبي ناطرنا الصيف عاباب الدار صورنا فوق عالفي مكتوبي مكتوبي خبار و العمر خبار يا صيف جديد يا حب جديد و أنا ناطر يا عنب الأشقر تاتصير نبيد بيتك هالليل و الليل غنيي و بوابك غيم و الزيني فوق يا حبيبي لا تعتب عليي جايبني صوبك طير الشوق راحت مواعيد رجعت مواعيد بدر حظورك يا حبيبي و ناطور العيد خلصوا غنينا ضلي إذكرينا بحر مسافر ناطر عامينا ليلي طويلي رحلي طويلي دلعة مخيم نورك بيهدينا أوف يابا أوف أوف يابا أوف
جينا الدار - الأخوين رحباني
جينا الدار ياهل الدار ليلتكن سعيدي سيف النار يغزل نار و يدهب قصيدي علوا البيارق تعب الليل و المدى مارق بصهيل الخيل فوق الدار زهر الغار و إنكتبت أشعار رجع الراجع ضحك اللون و الفرح والع هون و هون صار اللي صار و الغنا دار يا هلا بالزوار
عالبال يا عصفورة النهرين - الأخوين رحباني
عالبال يا عصفورة النهرين يا ملوني يا مكحلي العينين صارلي عهالمفرق تلات إيام و ما كنت إستهدي عابيتك وين يا عصفورة النهرين صارلي تلات إيام و ماكنت أعرف نام حفرت خيال الشمس عالمفرق و رف الحساسين اللي إجا تفرق و ما كنت إستهدي عابيتك وين يا عصفورة النهرين لا بحارة الفوقا و بحارة التحتا و لا عالعين تخمين بيتك صار ريف العين يا عصفورة النهرين
قتلوني عيونا السود - الأخوين رحباني
قتلوني عيونا السود يا ليل و ما لو حدود قتلوني قتلوني قتلوني عيونا السود و بنية عم تكبر من يوم ليوم زهرة محروسي بسيوف النوم خوفي يا سنين لتمر سنين تنساني عيونا السود أنا لاسأل عليهن من حي لحي دور عن صورهن ببرك المي و السهل يغيب و الليل يغيب و يطلوا عيونا السود
عوافي يا زهيي
هيهات يا بو الزلف عيني يا موليا قدام بيت لكن شو كنا نتفيا عوافي يا زهيي يالضحكتها صيفيي رزق الله شو نبقى هون نتلاقى من عشيي هالله الله عالإيام تمرق كإنا أحلام و كل السهرات الحلوين نتذكرها بغنيي بتذكر مرة بالدار زقف قلبي فل و طار لما طلبتي مني غنيلك بالسهريي و مرة بصبحية عيد تركنا الناس و فرح العيد و قعدنا تحت الصفصاف حد نهورة الميي شفتي لولا تجوزنا شو كنا سوى سعدنا كان الصبي صار شب و اختو صارت صبيي و بتذكر مرة بتشرين لما زعلنا و يا مسكين كيف ضربتك هاك الكف و تزاعلنا لعشيي إنتي ضربتيني كف؟ شو الهيأة خربت بكير ماحدا بيضرني كف وعلم برقبتك شهر بعدك عنيدة و جفصة و بعدك بفرد شقفي لو أنك أحسن من هيك ما كنتي بقيتي بالبيت كل عمري أحسن منك إسكتي بدل ما إحكي و شو بدك تقدر تحكي دخلك خاتم الأزرق رديتيلو لفضلو حاجي بقى تكتر حكي و فستان الجابو الظابط دخلك رديتيلوياه و منك ما قبلت هديي بدي قبل من غيرك؟ نسيتي سحاحير الليمون نسيتي كياس البطاطا إنخجل إسكت إنتي إسكتي بيك زعبر بييك زور منشكر الله الما تزوجتك منشكر الله ألف مرة منشكر الله ألف مرة
يا اخوان / منقول خلصنا
يا إخوان فتحولي هالدفاتر ... حاضر حاضر كتبولنا شروط الصلح نحنا و الست جورجيت ... حاضر حاضر أولاً حلاقين خياطين بالشهر مرة ... بالشهر مرة ثانياً على البحر و بنطلون ما بدي بالمرة ... ما بدو بالمرة إما خالتها عمتها ما بدي تدخل ... ما بدو تدخل حريي الشخصيي حرية الراي حرية الأكل ما بدي إعمل رجيم .. ما بدو يعمل رجيم طربوشي عاراسي و ما بتشلحني الطربوش ... إحترام الطربوش زق غراض حمل غراض كياس الطحين من الدكاكين أنا ما بعرف هلق عرفنا شروطك شو هيي بدنا نعرف رأيا هيي شو؟ هيي إلها راي؟ .. لاكان فإذن ما بدي صالح قولولا ما بيرضا يصالح خليني إبقى حردان عالقوتي جايي و رايح نصريييييي إجت الست جورجيت أسمعوا يا، نعم ينعم عليك، رح تجي عالبيت؟ نعم و رح تجيب الخبزات نعم أيه عفاك يا شاطر منقول خلصنا تودعنا نحبسنا مدة و طلعنا و لفتة عينين ما منعرف وين ترجع عالحبس ترجعنا منقلا خلص يا هموم لا ظالم و لا مظلوم لكن يا قلبي الظاهر بتحب تكون محكوم بتولعنا و بتوجعنا صوب الماضي بترجعنا و اللي فرقنا بإسم الحب على إسم الحب بيجمعنا حبينا حبينا و طار و بعد فينا المشوار و إذا للنسيان رجعنا يمكن نرجع زوار الوقت اللي بيلعب فينا بيضحكنا و بيدلعنا متل اللعب بإيد الأطفال بيلاقينا و بيضيعنا
يا قلبي لا تتعب قلبك
يا قلبي لا تتعب قلبك و بحبك على طول بحبك بتروح كتير بتغيب كتير و بترجع عادراج بعلبك .. يا قلبي لا تتعب قلبك ماشي و القمر ماشي تبعت مراسيل يا قلبي المتل فراشي حول القناديل لا بتعرف وهج النار و لا بتكفي المشوار و ملبك بالحب ملبك و تروح و ترجع عابعلبك أنا مين اللي صحاني من عز النوم و صوب عيونك وداني من أول يوم أنا مين و إنتا مين يا نحنا المنسيين و دربي بعدني عن دربك أه و إندهلك يا حبيبي بحبك
يا لالالا
يا لالالا يا لالالالا و يا حالي سلم على حالا يابا طاير طاير طاير عصفور العصافير يابا طاير طاير طاير تضحكلو المشاوير في حلوي عابالا تبعتلي الحلوى رسالا أنا لاكتب عالقناطر إسمي و عمري و من وين أنا لاكتب عالقناطر إمشي ما قول لوين في حلوي لحالا عم يسهر بالليل خيالا مارقة بنت الجيران مارقة بحي الصبيان قال نسيت حالا و لالا يابا لالا
شرطي السير
ها ما بعرقلش السير بمرسيدس .. ممنوع عيب و الله بفقعك ظبط إحترامات سيدنا إتفضل وقف و لك وقف؛ ليك ما وقف و لوين بدو يروح وين بدو يطير أنا بعرف كيف اخدلو نمرتو ياه يا بيي يا بيي مليح اللي ما وقف نمرتو زرقا يا دلي كان المحضر إنعمل فيي أنا يا مادموزيل عايدة نعم ما سمعتي الصفيرة؟ ليش وقفتي سيارتك محل الممنوع؟ هاي مش سيارتي طيب إنتي وين وقفتي؟ أبعد شوي و الأبعد شوي كمان ممنوع أيه بس أنا وقفتا محل في قارمة مكتوب عليه موقف سيارات هيهيهي و حد القارمة كمان ممنوع. يا بنتي هيدا كمين عملناه للمواطنين لحتى نصفقهن ظبوطا بس القارمة الدولة كاتبتها ياي يخرب بيتك ليش الدولة بيتأمنلا؟ يا سبع آفندي أنا بعرفك شرطي بلدي. كيف صرت شرطي سير؟ أنا بالأساس شرطي بلدي أما الآن فوق وظيفتي أسندوا إلي حقيبة السير ليش من قلة الشرطة؟ لا لا دارجة بهل الإيام لكل وزارة وزيرين، وزير بيشتغل و وزير بيتفرج بس مش أكتر و إنت وحدك هون؟ لا أنا مع نحنا سبعة تماني ماعناش شغل حطونا عالنقطة هون طيب وين رفقاتك؟ يا حرام قسم منهن عم بيكزدر و قسم عم بيتفرج عليي هون بعتقد أيه الله يوفقك الله وفقني فيكي، هاتي وراقك ليش شو عملت؟ عم بتقليلي الله موفقك. يا حسرتي يا روحي يا سندي، شرطي السير بشو الله بدو يوفقو؟ بمليون ليرة؟ بئر بترول؟ بدو يوفقو بكم ظبط يعملهن بهالمواطنين أيه بس هيدا مش حق يا بنتي دايمن الحق مع البدلة، شفتي حدن إختلف مع إبن حكومي طلع معو راس؟ إتفضل هاي إجازتي هاي إجازتك؟ لكلكلك روح يا روحي على هالصورة الحلوي. شو هالجمال الباهر. يا عيني يخرب بيتك متل راكيل ولش شو عم تعمل؟ بدي أخدلك صورتك زافونير و كيف بدي إمشي بلا صورة إسكتي رح بلزقلك صورتي بدالها خلصني بقى جاي لعنا ناس ناس مين هالناس؟ ناس طيب روحي سامحتك. ناس مين هالناس و الله يا عمي عالعدليي ما بيجيي ناس قد ما بيجوا لعندكن نهارك سعيد قرب تاشوف، قرب بسرعة دخلك بتعرفلي وين بيت المدموزيل عايدة؟ المدموزيل عايدة المهضومة ما غيرا؟ نعم هيهيهي هلق إنت الناس؟ هيي قالتلي جايي لعندا ناس ما قالتلي جايي نسناس أنا إسمي سمير سمير؟ نعم هات تذكرتك تذكرتي بسرعة إتفضل إنتحال شخصيي، هون بالتذكرة إلك شوارب هون ما إلك شوارب، مش عارف هيدا مخالف للقانون؟ يا سيدي حلقت شواربي و معك رخصة من الزراعة بحلق شواربك؟ حلق الشوارب بدو رخصة؟ نعم، نعم شواربك داخلي بالمشروع الأخضر، شاطر تغير حلاسك و تتسلل لعندها متنكراً. شو في جايي؟ أنا البويفرند تبعها البويفرند الله ينعلك، ما بيكفيها البويا اللي عاوشا تاتزيد عليها بويافرند، شو القصد من مجيئك؟ بدي إجتمع فيها ما هي الأحاديث التي تدور حولكم في هذا الإجتماع؟ إجتماع خاص ما بقدر قلك فإذن بدكن تحكوا شي ممنوع لأ مجرد عواطف ما هادا الممنوع كلام العواطف ممنوع طيب شو بتريد لحقنا و جينا أيه لوتلي قلبي يعني أكيد إلك شي شهر بتستعد عاهالكلمتين روح قولن و إرجع خلص وقت السير تانرجع لبوليس البلدية الله معك يا آفندي. شو هيدا؟ أسبوع النظافة. إشغلي هاو شويي بيصيفيش الصابون. قرب تاشوف. قرب. شو منقدر نخدمك؟ بيت السيد فضول وين؟ فضول ما غيرو؟ نعم لشو بدك فيه؟ أنا غريب و قاصدو يا حرام غريب غريب غريب. ما إلك حدن هيك سيدي هيك زعيم هيك واسطة هيك، هيك يشد فيك لأ عال عال فإذن إنت رجل النموذجي. فينا ننفذ فيك القانون بدون ما حدن يعملك واسطة بس أنا مش مخالف روق روق هلق منطلعك مخالف طول بالك، معك ورقة صحيي؟ ورقة صحيي لشو أنا مش دكانجي ما بفهم بدك ورقة صحيي طيب إتفضل يخرب بيتك، طيب، يا الله، معك زمور؟ زمور؟ بدك زمور طيب إتفضل بدي إفقعك ظبط زمور بس أنا ما زمرت ما بفهم مخالف مادام رح تعمل مخالفة زمور إتفضل إعمل الظبط عالنمرا و ما رح عطيك وراقي شا فممم فرررررروم و إنتا ظبط تاني عالموتوسيكل، وين الموتوسيكل؟ ترررر. طفت. تررر طاطا
عوافي يا بو صالح
ميجانا ميجانا و يا ميجانا
ضلي إضحكي تا يرجعوا غيابنا
ربيع السهل من خدك بكي و غار
نسايم تضفر لشعرك مدي و غار
و يا نهر الشوق من صوبن إجا و غار
بقلبي و صرت داير عالبواب يا حالي
عوافي يا بوصالح
أهلا بالإخوان
كيف حالك يا بوصالح
الحقيقة تعبان
كنتوا وعدتوني بتجوا بتزوروني
و روحتوا و نسيتوني و نسيتوا اللي كان
لا تغلط يا بوصالح كنا تعبانين
شو بتتعبوا بالجملي
العمر إلو حق صار الواحد منا بحدود الستين
إذا شي حلوايي طلت
يا زلمي كبر عقلك
عم نحكي إذا طلت
إذا طلت منشوف الله بيعين
شاب الهوى
شاب الهوى و شبنا و بعدن حبايبنا
بعدو العتب داير لا تعب و لا تعبنا
بعدو العتب داير ليليي ليليي
وطاير السهر طاير على كل عليي
كتب الهوا كتبنا داب الحلى و دبنا
و بعدو العتب داير لا تعب و لا تعبنا
أنا قلبي اللي عذبني جرحني و إتجرح
شرق و غربني و كل واحد بمطرح
جنت مراكبنا و الشوق غربنا
و بعدو العتب داير لا تعب و لا تعبنا
عالهدا
مرحبا مرحبا ... أهلا بالحلوين
إنشالله الهمي بعدا مليحة .. متل الحساسين
واعدني بطلع عالصيف و بحمل كيسين زيتون
أنا بعربش على التوتي متل الأرض كون
و أنا مبارح بالسهرة رقصت تلات ساعات و أكلت تلات صحون كح كح
إسمالله و ميت إسمالله بعدكن شباب يا مشالله
إذا مشيتوا عالهدا و إذا رقصتوا عالهدا و يحرسكن الله
عالهدا يابا عالهدا ما تخلي يشوفك حدا
يا رنين الدهب على الشال القصب
و الحلوي تنده بالعلوي لوح بالكرم العنب
يابا أوف يا حدا و ما في حدا
يا ستاعشر سني يا عمر الولداني
يا مين يرجعني زغير و ياخد مالك يا دنيي
أوف أوف أوف إرجع إكبر عالهدا
ويدا ويدالك يا ويدا ويدالي نارك و لا جنة هلي
يا ويلي ويلي قصيتو شعري الطويل و قصيتو
رحت لابوها وصيتو شايك ما ريدو زوزق إلي
يا ويلي ويلي عالغزل نقل الحزل كرز الحزل
يا حلوي دلي عالجبل ضلي إضحكي و تدللي
ثلاث رسايل
الله معك خيي محجوب
يا أهلا بالبوسطجي
في إلك معي مكتوب
من مين يا بوسطجي؟
من أسعد إبن شهدان
من أسعد إبن شهدان لشو باعتلي مكتوب؟ أنا ما بعرف إقرا بحياتك قرالي ياه
لا تواخذني أنا غلطان المكتوب منوش إلك
خي حمل و نزل عن ضهري
المكتوب لبنتك
لبنتي؟
أيه
عجل عجل شوفلي شو كاتب. اوعا تكون مطابق معو
طول بالك
اوعا كلام الغرام
طول بالك
اوعا الحكي هيك و هيك
لك طول بالك
اوعا يكون أخد راحتو
حبيبتي سلمى
يخلع نيعك خلع
أنا شو دخلني؟
لا تواخذني أنا عم بضربو إلو
هيأة هالمكتوب تقيل، إذا كل جملي بقتلي هالشغلي منا شغلي
لا لا كفي كفي
حبيبتي سلمى أنا بتذكر إيام التلاقي
كنتي تهربي و نركض عالسواقي
و لما كنتي تشوفي أبوكي نعسان
كنتي تندهيلي و أنا إبقى فزعان
هوي يفوت عالأوضة و نحنا عالليوان
و لما نسمع شخيرو منعرف إنو صرنا بأمان
آمان آمان يالالالي آمان
أسعد إبن شهدان ناويلي عابنتي
الهيأة فيها و ما فيها أنا بدي ربيها
رح دبرلي قاضة توت و روح و إنزل فيها
طول بالك طول بالك
مابديش بدي طول
معلمة المدرسي جايي لا تحكي قداما
بدي قريها المكتوب
الله معكن
أهلا و سهلا
إلنا شي؟
في إلكن جريدي
يا معلمة المدرسي يالبتضلي تدرسي قريلي هالمكتوب
تكرم عينك
عزيزتي سلمى
و بخبرك عن الدرس عنا درس كتير
و بعد بكرا عنا فحص جرامر و تصوير
طمنيني عن بيك إنشالله يكون مرتاح
أوعا تخليه يتعب بقطف التفاح
بيك شيخ الآوادم و في إلو طلي و هيبي
و أنا يا سلمى مشتاق شوفو من بعد الغيبي
شو القصة يا بوسطجي
بكن شي؟
الهيأة كل واحد شكل بدنا شخص تالت
إجا الشخص التالت
أهلا بشهدان جيت و الله جابك
شو في يا إخوان؟ لك جيت و الله جابك
إتفضل اقرا هالمكتوب من إبنك لبنتي
إسمالله في مراسلات
هيك الظاهر
أيتها الأنسة
من بعد السلام و بلا طولة كلام
بدي حاكيكي بقضيي حتى ما ننلام
بترجاكي قولي لبيك يدفع آجار الدكان
لبيي شهدان لأنو محتاج مسكين و طفران
آمان آمان يالالالي آمان
مبين كل واحد شكل
يالالالي آمان
و إذا جبنا شخص رابع
رح يقرا عاذوقو
وينيي الحقيقة؟
يالالالي آمان
أنا بدي أعرف
لا تعرف آمان
إنتا لا تفكر نحنا منفكر عنك
إنتا لا تتدخل نحنا مندخل عنك
طيب شو بدي إعمل
إنبسط إنبسط إشتغل و كل و نام
و طنش طنش طنش
نحنا و القمر جيران
نحنا والقمر جيران
من سنة اللي طلعت هالغنيي لليوم تغير القمر
طلعوا لعندو مشيوا عليه صار تراب و حجار
لكن بالنسبة لنا بعدو قنديل السهر و رفيق المشواير
مازال إلتقينا رح نفتح شبابيك الماضي و نسمعكن غناني بتعرفوها
فيكن تتذكروا مين الأشخاص اللي كانوا معكن لما سمعتوها لأول مرة؟
كتار منا بدلوا أحبابن بدلوا أصحابن
و يانيالو اللي بعدو من هاك الإيام حبيبو معو
رح يسمع و ترجع اللحظة و كل الذكريات
نحنا و القمر جيران بيتو خلف تلالنا بيطلع من قبالنا يسمع الألحان
عارف مواعيدنا و تارك بقرميدنا أجمل الألوان
و ياما سهرنا معو بليل الهنا مع النهدات
و ياما على مطلعو شرحنا الهوى غوى حكايات
نحنا و القمر جيران لما طل و زارنا عاقناطر دارنا رشرش المرجان
بروحي تلك الأرض
بروحي تلك الأرض ما أطيب الربى و ما أحسن المصطاف و المتربع
و أذكر أيام الحمى ثم أنثني على كبدي من خشية أن تصدع
و ليست عشيات الحمى برواجع إليك و لكن خلي عينيك تدمع
كأنا خلقنا للنوى و كأنما حرام على الأيام إن نتجمع
غدا منادينا
غدا منادينا محببا فينا يقضي علينا الآسى لولا تأسينا
يا جيرة بانت عن مغرم صب لعهده خانت من غيرما ذنب ما هكذا كانت عوائد الحب
لا تحسبوا البعد يغير العهد إذ طالما غير النائ المحبينا
و لاقرب نعم
و لا قرب نعم إن دنت لك نافع و لا نأيها يثني و لا أنت تصبر
إذا جئت فأمنح طرف عينيك غيرنا لكي يحسبوا أن الهوى حيث تنظر
اذا كان ذنبي
إذا كان ذنبي أن حبك سيدي فكل ليالي العاشقين ذنوب
أتوب إلى ربي و إني لمرة يسامحني ربي إليك أتوب
يا شقيق الروح
يا شقيق الروح من جسدي أهواً بي منك أم ألم
أيها الظبي الذي شرد تركتني مقلاتك سدى
زعموا أني أراك غدا و أظن الموت دون غدي
أين مني اليوم ما زعموا أه
أدنو شيئاً أيها القمر كاد يمحو نورك الخفر
أدلال ذاك أم حذر يا نسيم الروح من بلدي
خبر الأحباب كيف هم أه
حامل الهوى تعب
حامل الهوى تعب يستخفه الطرب
إن بكى يحق له ليس ما به لعب
كلما إنقضى سبب منك عاد لي سبب
تعجبين من سقمي صحتي هي العجب
تضحكين لاهية و المحب ينتحب
يا غزالا من كثيب
يا غزالا من كثيب أنت في حسن و طيب
يا غريب الدار ما وصلك مني بقريب
يا حبيبي بأبي أنسيتني كل حبيب
لشقائي صاغك الله حبيبا للقلوب
طريق النحل
انت وانا ياما نبقى نوقف على حدود السهل
وعلى خط السما الزرقا
مرسومه طريق النحل
انا وببكي على بابي
مرقت نحله بكير
غلت بزهور الغابه
وصارت تعمل مشاوير
................
حزين ومش حزين
وبتفوت الضهيره
واتكسر الحنين
اذا رح تهجرني حبيبي
ورح تنساني حبيبي
ضل اتذكرني
واتذكر
طريق النحل
******
طريق النحل الطاير
فوق الضو المكسور
بيصير يرسم دواير
يكتب على الهوا خطوط
من فوق القطوف
أعلى من القصور
أعلى من قبب العالي
عم يكتب عالسور
اذا رح تهجرني حبيبي
ورح تنساني حبيبي
ورح تنساني حبيبي
ضل اتذكرني
واتذكر طريق النحل
طريــــــــــــــــــــــــــــــــــــــــق النحل
المطاليب
عافيك. برافو هيك مش عم يكرمجو. بعدن صايمين
يا إخوان بعد ما عطيونا مطاليبنا لازم تضلكن صايمين
لكن يا سبع الشباب غب على قلبن من الجوع
و لو هيك بيفرطوا قوام. يا ضيعان الرجال. ليكوا أنا
بس أنت شافوك عم تاكل شيكولاتا
الشيكالاتا مش أكل
شو؟
أيه الشيكالاتا مش أكل. الحلاوة مش أكل. السردين مش أكل. البسطرمة مش أكل
و النمورة؟
النمورة فيها طحين
و الساندوش؟
الساندوش إذا بلا خبز مش أكل
و أخرتا بدنا نضل صايمين؟ أنا معود متل هلق كون واكل تلاتة كيلو خبز
و لك أنت و لا تخ و لا كسرلو المخو. حطوا بجيابكن عظامى و بعدين إعلكوا تامايشموكن أكلين
إذا عا هالحالة فينا نصوم خمسين سني
لاكان كيف؟ شو بفكرك نموت من الجوع، ساعتا مين بدو ياخد المطاليب
و لك يا سبع تهوسنا و لحقناك و مش عارفين شو هي مطاليبنا
طولوا بالكن بعد ما نعرفت
ما بيصير يا سبع. دبيكة الجرد صايمين قدام بيت كتالينا و ناطرين
يا عمي ما بقدر قولكن شي. المطاليب موجودي بس الأهداف بعد ما تبلورت
فإذن أنا ما بدي. و حياتك مش دايق غير قد معمرتين بس
روق روق عافاك كلن و خليك صايم. خليلي ساندوش. يا خوان لازم نتشدد و نأوتب عليهن أحلى ما تفلت من إيدنا الجماهير الغفورة
بيقولوا الجماهير الغفيرة
لا الجماهير الغفورة يا إبني الجماهير الغفورة يا غشيم إسأل مجرب و لا تسأل حكيم. الجماهير الغفورة قد ما يعملوا معا و يبهدلوا و بيشرشحوا بتكة بتنسى و بتغفر. ها إجت كاتالينا أهلا كاتالينا
مرحب
يا كاتالينا يا كاتالينا إنتي معنا و لا معهن
و لو أنا معكن
بعلامة شو
بعلامة ماشفت هالشباب اللي بيخصوك قاعدين بلا أكل عملتلن جاد فتوش و نزلوا فيه
و لك يا عمي لا هولي صايمين إحتجاجاً
أيه خليهن ياكلوا بيحتجوا أكتر
و أكلوا؟
أيه
و عم ياكلوا؟
كلو نازل أكل
فوو يعني أكلوا المطاليب
أيه حطوهن فوق هالفتوش و نزلوا فيون
و لك يا شامتة العدا فينا. هيك منضل أكلنا مطاليبنا و منش عارفين
و لك صحتين كلون إنتوا أحسن ما ياكلون عليكن
يا كاتالينا يا كاتالينا هيأتك داهيي يا كاتالينا ليكون حدا موديكي تاتفرطينا
أبدا أنا شفت الشباب سألتن شو بجيبلكن قالوا بدنا ناكل. شو بعملك إذا هني جوعانين؟
و لك ما كلنا جوعانين بس ما منقول منغطيا بالمطاليب
و لك لحد هلق و ماحدا عرف شو بدك
الكلام بسرك ما بقدرش قول للشباب بقلك إلك. نحنا صايمين إحتياطاً
يعني إذا صار شي مش عاخاطركن صايمكن جاهز
أيه متل البرنيطة بس يلتقي راس عالقياس
أه كنت جايي حاكيك بمسألي الهيأة ما في مجال
إذا مهمي منلقي مجال
لا، كنت جايي عزمكن عالعشا
بكل ممنوني
شا إنت ما بتمون
بمون على حالي
و أنا كمان
يا إخوان أنا غير شي. أنا مبقدرش مون عا حالي
أنا بمون عليك
إذا إنتي أيه
فإذن رح نشهر عنا و عرفكن عا بنت خالتي جايي تصيف عنا. عليها رقصة بتاخد العقل
شفتوا يا شباب أخدنا مطاليبنا
إذا كانت حلوي بلكي بيجوزونياها
يا إبني طول بالك خذ و طالب
شو عم بتقول
يا كاتالينا يا كاتالينا شو عم قول يا كاتالينا أنا قلت ما صار نصيب معك. بلكي بيصير مع بنت خالتك بتكون من طولك و بتشبهك
لأ أطول مني
يا كاتالينا نص متر بالناقص نص متر بالزايد مش فرق
و ليش ننطر لعشيي عرفينا عليها هلق
طيب رح إندهلها
أيه
زيتة
زينة
يا بيي عاهالأسم يا بيي زينة زينة و الله زينة يا زينة
سلمي عالشباب
إزيكوا
شو قالت؟ كمان يا سيدي
إزيكوا
يا ناعما ركضت كفونه
يا دهوتي
يا دهوتي أنا. كمان يا روحي
عايز أيه
و لا حاججا. يا دوجاشا يا حلاوتك كاتالينا كاتالينا دانا ما كنتش عارف حتكون في الشكل ده. شرف البنت زي عود الكبريت ما يتولعش غير مرة واحدة. يا حلاوتك يا لطافتك مصري نعمل أيه عشان نرقصها؟
الراقوص إذا كان قصد يزقفلو بيرقص
مش عايزة بلاش و حياة أبوك لأ
كمان يا روحي أيوة
على دلعونا
على دلعونا و على دلعونا
رزق الله لما كنتوا تحبونا
بالصيف الماضي تبقى القناطر
مشغولي فيكي و مشغول الخاطر
و يا ناطر قلي شو بعدك ناطر
فلوا الحلوين و ما ودعونا
رزق الله لما كنتي تلاقيني
و تفيي علينا هاك الياسميني
كنت تقوليلي دخلك خبيني
فزعانة صحابي يقولوا شافونا
عالهوارة الهوارة جينا لعندك زيارة
ما لقينا حدا بالبيت وين كنتي يا نوارة
هوارة يا زهر الدار كان في عندي عقل و طار
حاجي تقوليلي لا تغار هودي صبيان الحارة
هوارة بدرب مهاوير مشي ما بقى بكير
حبك بعينيي يطير و ما تلحقنا الطيارة
يلبقلك شك الالماس
يلبقلك شك الإلماس دروب دروب
أخدوا حبيب قلبي مني و خلوني أدوب
يلبقلك شك الإلماس فوق الغرة
و حبيبك يسأل و يشوفك أول مرة
عوازل لا تلموني الفرقة مرة
هجر الحبايب و الساك كلو مكتوب
خبروني تغيرتي صرتي كبيري
و حبيبك سافر من جمعة و كنتي زغيري
عوازل لا تلموني صعبي الغيري
قولولي الواقع بالهوى كيف بدو يتوب
ليل يا ليل يا ليل يا ليل
ليلي يا ليلي يا ليلي يا ليل
ياي ياي يا ناسيني
ياما سوا بفيي الياسميني يهب الهوى و إنتا تلاقيني
و تقلي مش رح إنساكي ياي ياي ياي ياي يا ناسيني
ياما تمشينا على هالدرب و يرف علينا طير الحب
و نجي و نروح و الهوى مجروح تضحكني و تبكيني
تبقى القناطر في و شمس حاكيه بالومى و حاكيه بالهمس
و دني صيف و ياما بالصيف تزاعلني و تراضيني
مر بي
مر بي يا واعداً وعداً مثلما النسمة من بردى
تحمل العمر تبدده أه ما أطيبه بددا
رب أرض من شذا و ندى و جراحات بقلب عدى
سكتت يوماً فهل سكتت؟ أجمل التاريخ كان غدا
واعدي لا كنت من غضب أعرف الحب سنى و هدى
الهوى لحظ شآمية رق حتى قلته نفذا
هكذا السيف ألا انغمدت ضربة و السيف ما انعمدا
واعدي الشمس لنا كرة إن يد تتعب فناد يدا
أنا حبي دمعة هجرت ان تعد لي أشعلت بردى
نسمت
نسمت من صوب سوريا الجنوب قلت هل المشتهى وافي الحبيب
أشقر أجمل ما شعثت الشمس أو طيرت الريح اللعوب
شعر أغنية قلبي له و جبين كالسنى عال رحيب
أنا ان سألت أي مضني قالت القامة حبيك عجيب
مثلما السهل حبيبي يندري مثلما القمة يعلو و يغيب
و به من بردة تدفاقه و من الحرمون اشراق و طيب
ويحه ذات تلاقينا على سندس الغوطة و الدنيا غروب
قال لي أشياء لا أعرفها كالعصافير تنائي و تؤوب
هز سماني أنا أغنية ليت يدري انه العود الطروب
من بلاد سكرة قال لها تربة ناي و نهر عندليب
و يطيب الحب في تلك الربى مثلما السيف إذا مست يطيب
يا شام عاد الصيف
يا شام عاد الصيف متئداً و عاد بيالجناح
صرخ الحنين إليك بي أقلع و نادتني الرياح
أصوات أصحاب و عيناها و وعد غد يتاح
كل الذين أحبهم نهبوا رقادي و إستراحوا
فأنا هنا جرح الهوى و هناك في وطني جراح
و عليك عيني يا دمشق فمنك ينهمر الصباح
يا حب تمنعني و تسألني متى الزمن المباح
و أنا إليك الدرب و الطير المشرد و الأقاح
في الشام أنت الهوى و في بيروت أغنية و راح
أهلك و أهلي و الحضارة وحدتنا و السماح
و صمودنا و مواكب الأبطال من ضحزا و راحوا
يا شام يا بوابة التاريخ تحرسك الرماح
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
