ياماخذ القلب قلبـي ويـن وديتـه

[almkurdistan]

ياماخذ القلب قلبـي ويـن وديتـه
نطرت قلبي يجي منك ولا جانـي !

رحت اتحراه يرجع والحشـا بيتـه
والظاهر بقربك ارتـاح وتناسانـي

وشلـك بقلـبٍ تضمـه ماتمنيتـه
عادي تضمه ! وعادي تضملك ثاني

ماهي غريبه ليا جالـك وضميتـه
وسيع ذمه عسـى ربـي لايبلانـي

ماخفـت ربـك وقلبـي ماتبنيـتـه
غيرت قلبي على ورحـت تجفانـي

ابيك تذكـر وشلـي معـك سويتـه
راجع ظميرك ورتب جمله أحزانـي

حتى الشعر فيك ضحكتـه وبكيتـه
يضحك على شانك ويبكي على شاني

في داخلـي لـك كـلامٍ ماتهقويتـه
كلام لاجيت أقولـه يثقـل لسانـي

كلام فالصـدر مـن سبتـك كنيتـه
عجزت اقوله ماكن لساني حصانـي

حبل الوصل من يدينك ليـه هديتـه
حاولت أشيله ولاكن طاح ما أمداني

وقفـت حتـى مكانـي ماتعديـتـه
كن الصبر مرنـي عجـل وتعدانـي

فنجال فرقاك من صـدك تقهويتـه
والحزن غيم على الصدر وتقهوانـي

على كثر مانزف جرحـي وداويتـه
على كثر ماندمت وقلت وشـجانـي

الله يسامحـك قلبـي ويـن وديتـه
والله يسامحه قلبـي ويـن ودانـي

 

[shyro]

كلمات رائعة و جميلة بالرغم من قصرها
شكرآ على الموضوع

 

[almkurdistan]

الله يسعدك يا رب شيرو ..
والله وجودك الرائع يفرح من لا قدرة له على الفرح..
دمت بالف خير..
الم..

 

[كلبهار]

هور يانعه في بساتين المنتدى نجني ثمارها من خلال الطرح الرائع لمواضيع اروع
وجمالية لا يضاهيها سوى هذا النثر البهي
فمع نشيد الطيور
وتباشير فجر كل يوم
وتغريد كل عصفور
وتفتح الزهور
اشكرك من عميق القلب على هذا الطرح الجميل
بانتظار المزيد من الجمال والمواضيع الرائعه